Այսօր մի հատված նայեցի ազգային ժողովից, Գ. Սահակյանն առանց ստորակետի կամ որևէ այլ կետադրական նշանի ընթերցում էր հերթով քվեարկության համար ներկայացված օրինագծերը, տեղից «ընդդիմադիր» կոչվածները փորձում էին իբր խոսել, Գ-ն էլ ձեռ առնելով անջատում է խոսափողը կամ ընդհանրապես անտեսում ու կարդում իր դիմացի թուղթը... Հիմա, բացատրությունները մի կողմ, չե՞ն ուզում խոստովանեն էդ բոլոր էսպես կոչված ընդիմադիր, ոչ իշխանական և այլ ծաղրածուները, որ իրենք մինչ այժմ չեն կարողացել ու չեն կարողանա ոչինչ անել կամ փոխել: Միակ լուծումը երևի, որ բոլորը հրաժարվեն իրենց մանդատներից միահամուռ, դրանով կապացուցեն բոլորին, այդ թվում և դրսի աշխարհին, որ Հայաստանում չկա ԱԺ... Բայց չէ՜, չեն անի, բա դրանք իրենց մանդատից կհարաժարվե՞ն... Դե եթե իրոք ընդդիմադիր եք, եթե իրոք կարծում եք, որ սա ավազակապետություն է, ապա հրաժարվեք այդ ավազակապետության մանդատները կրելուց, դրանով իսկ կռախի առաջ կանգնեցնելով հենց իշխող կուսակցականը, թե չէ ստից դուրս եք գալիս դահլիճից, ներս եք գալիս, միջանցքում ցավդ տանեմով շփվում հենց նոր ձեզ «փչացրած» որևէ ցմփորի հետ... Լավագույն տրագիկոմեդիան, որ դիտել էի վերջերս, այդ հատվածն էր Գ. Սահակյանի քվեարկությունից...

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել