Tert.am-ը գրում է․
Ընդունված է ասել, որ Հայաստանի ամենամեծ մրցակցային առավելությունը մարդկային կապիտալն է, ինչի ձևավորման հիմնահարցը կրթությունն է: Այս մասին մամուլի ասուլիսին ասաց «Սինոփսիս Արմենիա» ընկերության տնօրեն Հովիկ Մուսայելյանը՝ անդրադառնալով Հայաստանում ՏՏ ոլորտի կրթական մակարդակի և աշխատաշուկայի պահանջների խնդիրներին:
«Որոշ հաշվարկների համաձայն տեխնիկական ուղղվածության բուհեր ավարտածների տասը տոկոսն է աշխատանք գտնում, ինչը բավական ցածր ցուցանիշ է և պայմանավորված է երկու օբյեկտիվ պատճառով»,- ասաց նա և նշեց, որ դրանցից առաջինը՝ պրոֆեսորադասախոսական կազմն է, որոնք պետք է պարբերաբար որակավորման կուրսեր անցնեն, երկրորդը՝ բուհերի տեխնիկական հագեցվածության խնդիրն է, որոնց համար պատկառելի գումարներ է պետք ծախսել:
Ըստ նրա՝ այդ խնդիրները լուծելու երկու ճանապարհ կա: Առաջինը, երբ Կառավարությունն է այդ ծախսերն իր վրա է վերցնում, կամ բուհերն են գտնում գործընկերներ՝ այդ խնդիրների լուծելու համար: «Հաշվի առնելով, որ Կառավարությունը չի նախատեսում նման ծախսեր հատկացնել բյուջեից, մնում է բուհերը համագործակցություն իրականացնեն մասնավոր սեկտորի հետ»,- ասաց նա և նշեց, որ նման համագործակցության վառ օրինակ է հենց «Սինոփսիս Արմենիա» ընկերության հետ համագործակցությունը:
Ամբողջական հոդվածը կարող եք կարդալ այստեղ
