 |
 |
Այս պակիստանցի դերասանուհին դատապարտվել է 26 տարվա ազատազրկման սրբապղծության մեղադրանքով։ Ընդ որում, դատարանը վճռել է նույն պատիժը կիրառել նաև նրա ամուսնու հանդեպ։ Դերասանուհի Վինա Մալիքը մասնակցում էր մի շոուի, որի շրջանակներում բեմադրվել էր Մուհամմեդ մարգարեի դստեր հարսանիքը։ Նա այդ շոուին մասնակցում էր իր ամուսնու հետ միասին։
Դատարանը Մալիքի և նրա ամուսնու մասնակցությունը Մուհամմեդի աղջկա հարսանիքի ծաղրական բեմադրության մեջ անպարկեշտ համարեց՝ ստիպելով դերասանուհուն ու նրա ամուսնուն չափազանց թանկ վճարել դրա դիմաց։
Դատարանի վճռում նշվում էր, որ նրանք իրենց անպարկեշտ արարքով վիրավորել են մահմեդականներին, ուստի նրանց պետք է խստորեն պատժել նմանատիպ միտումների կրկնությունը կանխելու համար։ Դատարանը բացի ազատազրկումից նաև 12 584 դոլարի տուգանք է նշանակել։ Շոուն ցուցադրվել է Geo TV հեռուստաալիքով, ինչից հետո հակասական արձագանքների մեծ աղմուկ է բարձրացել համացանցում։ Երիտասարդ դերասանուհին ցնցված էր դատավճռից, սակայն նա հույսը չի կորցնում և պատրաստվում է բարձր ատյաններում բողոքարկել այս անհեթեթ վճիռը։
