Ինչպե՞ս կռիվ տալ տեղեկատվական պատերազմի ժամանակArmnewstv.am-ը գրում է․

Տեղեկատվության համաշխարհային օրը Տիգրան Քոչարյանի խորհուրդն է բոլոր անտեղյակներին` մի տարածեք ինֆորմացիա ադրբեջանական աղբյուրներից Facebook-ում ու այլ սոցիալական հարթակներում: Տեղեկատվական անվտանգության փորձագետը ծայրահեղ քայլերից է խոսում` սոցկայքերում անհեռատես օգտատերերի պատճառով, հայ-ադրբեջանական հնարավոր պատերազմի վերսկսման դեպքում, սոցիալական կայքերը ժամանակավոր փակելն անհրաժեշտություն կդառնա: 

Ի տարբերություն ֆեյսբուքյան կինոյի, հայկական ուղղաթիռի խոցման դեպքը ցույց տվեց, որ հայկական լրատվամիջոցները հմտացել են տեղեկատվական պայքարում, գիտեն ինչպես աշխատել հակառակորդի, ներքին լսարանի և միջազգային հանրության հետ: Տիգրան Քոչարյանը ազատ խոսքի սահմանափակում չի դիտարկում ռազմական իրավիճակին առնչվող ցանկացած ինֆորմացիա մինչև հրապարակումը ստուգելը: Պաշտպանության նախարարությունն է լարված իրավիճակներում դառնում նյուզմեյքեր, իսկ ցանկացած չստուգված լուր կարող է խուճապի պատճառ դառնալ:

Օգտատերերին տեղեկատվական սթրեսի չենթարկելու և չհուսալքելու համար փորձագետը հիշեցնում է` վերահսկել լրատվական հոսքերը, առաջինը դառնալու մոլոցքով տարված` չներկայացնել սուտը որպես իրականություն և ցանակացած մահացած զինվորին առնչվող վիդեո տարածելիս էլ հիշել, որ տեսանյութը դիտում են նաև նրա հարազատները:

Տեսանյութն՝ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել