Զարմանալի է, թե ինչպիսի հեշտությամբ կարելի է խաբել մարդկային ուղեղին։ Այս «սարքավորումը» կառավարում է մեր ամբողջ օրգանիզմը, բայց բավական է մի փոքր հնարք, և Դուք արդեն տեսնում, լսում կամ զգում եք լրիվ այլ բան։
1. Թեքված գծերը և գույները Ձեր ուղեղին ստիպում են հավատալ, որ այս նկարը պտտվում է, բայց իրականում այն անշարժ է։
2. Ուղեղի աշխատանքն «ավտոֆոկուս» համակարգում պատճառներից մեկն է, որը ստիպում է մեզ հավատալ, որ այս շրջանները դանդաղ պտտվում են։ Իրականում սրանք ևս անշարժ են։
3. Իսկ այս «բազմաոտ» փիղը (քանի՞ ոտք ունի նա` 8,6,5 թե՞ ընդամենը 4) արդյունքն է նրա, որ մեր ուղեղին հատուկ է աբստրակտ նկարներում նախշեր փնտրելը և լցնել տեսանելի դատարկությունները։
4. Այս նարնջագույն շրջանները մի չափի են, բայց տարբեր երկնագույն շրջանների մեջ նրանք նույնպես տարբեր են թվում։ Ահա այդպես էլ խախտվում են մեր ընկալման մասշտաբները:
5. Երկու գծերը բաղկացած են վարդագույնի միևնույն երագնից, բայց մեզ թվում է, որ մի գիծն ավելի մուգ է, քան մյուսը։ Խաբկանք է։
6. Ի՞նչ եք կարծում, քանի՞ գույն կա այս խորանարդի վրա։ Շատերը կասեն 7. սպիտակ, դեղին, կանաչ, կապույտ, կարմիր, շագանակագույն, և նարնջագույն։ Բայց սա ևս տեսողական խաբկանք է. վերևի կենտրոնի շագանակագույն խորանարդը և դիմացի «նարնջագույն» խորանարդը մի գույնի են։
7. Եթե ուշադիր նայենք, ապա կթվա, թե տերևները դանդաղ օրորվում են։ Վստա՞հ եք։
8. Մուգ կապույտ խորանարդների պատճառով մեզ թվում է, որ կարմիր գծերը հատվում են։ Բայց իրականում դրանք զուգահեռ են միմյանց։
9. Ամենահայտնի տեսողական խաբկանքներից մեկը` «Հերմանի ցանցը» (գերմանացի ֆիզիոլոգ Լյուդիմար Հերմանի անունով)։ Նայելով դրանց` Ձեզ թվում է, թե խորանարդների արանքում մոխրագույն կետիկներ են, բայց իրականում դրանք չկան։
10. Եվ վերջապես, խաբկանք, որը տեսողական ընկալման փորձագետ Ջերեմի Հինտոնի ստեղծածն է։ Եթե նայենք մեջտեղի սև x–ին, ապա ձեզ կթվա, թե կողքի կանաչ շրջանը պտտվում է անշարժ վարդագույնի շուրջ։ Հարկ կա՞ ասելու, որ որ նկարում ոչ մի կանաչ շրջան էլ չկա, այլ միայն թարթող վարդագույներ են։ Դա հեշտ է հասկանալ, բավական է ուշադիր հետևել շրջանին։