Tert.am-ը գրում է․
ԱԺ «Հանրապետական» խմբակցության պատգամավոր Առաքել Մովսիսյանը կարծում է, որ նույնիսկ եթե ԵԱՀԿ գրասենյակի դիմաց մասսայական հացադուլ սկսվի՝ ԵԱՀԿ-ից պահանջելով զբաղվել ՄԻ-24-ի պայթեցումից զոհված օդաչուների դիակների վերադարձման գործընթացով, միևնույնն է արդյունք չի տա:
«Ո՞նց կլսի, քանի հազարավոր մարդիկ են հացադուլ արել, չեմ կարծում, որ դա ճիշտ է»,-լրագրողների հետ զրույցում ասաց նա:
Հիշեցնենք, որ «Ժառանգություն» կուսակցության անդամ Դավիթ Սանասարյանը նույն պահանջով ԵԱՀԿ երևանյան գրասենյակի առաջ արդեն հացադուլ է սկսել:
Առաքել Մովսիսյանը նկատեց, թե համապատասխան մարմինները զբաղվում են խնդրով. «Դե հիմա, ամբողջ հանրապետությունով զբաղվում են այդ խնդրով։ Արտգործնախարարություն կա, որ զբաղվում է, մենք ի՞նչ կարող ենք անել, հո պատերազմ չե՞նք սկսելու: Եթե ուզում ենք պատերազմ, թող ազգովի համաձայնենք, հարց չկա»:
Ամբողջական հոդվածը կարող եք կարդալ այստեղ
