Շփման գծում МИ 24 ուղղաթիռի կործանման վերաբերյալ միջազգային հանրության, մասնավորապես, ԵԱՀԿ Մինսկի խմբի արձագանքը, մեղմ ասած, ոչ ադեկվատ է։ 
Հրադադարին հաջորդած տարիների ընթացքում վերոնշյալ դեպքն աննախադեպ է։ Հակառակորդը խոցել է ռազմական տեխնիկա, որը, ի դեպ, զինված չի եղել։ Այս պարագայում Մինսկի խմբի կողմից «երկու կողմերին զսպվածության և հետագա լարվածությունից զերծ մնալու» կոչերը, մեղմ ասած, տարակուսելի են։ Առհասարակ, այսքանից հետո մեծ հարցականի տակ է դրվում նմանատիպ ձևաչափով ԼՂ կոնֆլիկտի կարգավորման արդյունավետությունը։ 
Այլ հարց է այն, որ հայկական կողմը պետք է բացատրություններ տա առ այն, թե ի՞նչ գործ ուներ չզինված ուղղաթիռն այդ տարածքում, քանի որ լավ ճանաչելով ադրբեջանական կողմին՝ դժվար չէր կռահել, որ ուղղաթիռը կարող էր խոցվել։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել