Կործանված ուղղաթիռին մոտենալու ուղիները քննարկվել են Սերժ Սարգսյանի հետ

Armnewstv.am-ը գրում է․

Ոճրագործություն: Լեռնային Ղարաբաղի նախագահի խոսնակն այլ բնորոշում չունի կատարվածի համար: Պաշտպանության բանակի խոցված ուղղաթիռը զինադադարի խախտման նոր մակարդակ էր: Դավիթ Բաբայանի համար ադրբեջանական ձեռագիրը ընթեռնելի է ու ծանոթ, միայն թե այս անգամ նոր տողից էր: 1994-ի մայիսից սկսած, այս 20 տարիների ընթացքում զինադադարի այսպիսի խախտումն աննախադեպ էր: Արցախի արտգործնախարար Կարեն Միրզոյանն ընդգծել է, որ Ադրբեջանը ոտնահարում է բանակցային գործընթացում իր իսկ ստանձնած պարտավորությունները: Լեռնային Ղարաբաղում կործանված ՄԻ-24 ուղղաթիռը միջդիրքային հատվածում է: Հայկական կողմը դեռ չի կարողանում մոտենալ ուղղաթիռին եւ պարզել անձնակազմի ճակատագիրը: Խնդիրը քննարկվել է Նախագահ Սերժ Սարգսյանի մասնակցությամբ:

Տեսանյութն՝  այստեղ