Haytni.com-ը գրում է․

Տաղանդավոր անձնավորություն, երգահան, սիրված երգիչ Հայկոն ներկայիս երգարվեստի ամենավառ ներկայացուցիչներից է: Երգչին ճանաչում է ամբողջ հայ հասարակությունը, և անհամբեր սպասում  նրա  նոր կատարումներին և տեսահոլովակներին: Հայկոն Հայտնի.com-ի հետ կիսվել է ներկայիս գործունեության, ապագա պլանների, և Հայաստանի ձայնը նախագծում ծավալած գործունեության մասին:                                    

-Հայկ, ներկայիս շոու-բիզնեսի ամենավառ ներկայացուցիչներից եք, ո՞րն է Ձեր հաջողության գաղտնիքը, որ մինչ այժմ ձեր աստղը շարունակում է պայծառ շողալ:  

-Նախ շնորհակալ եմ նման գնահատականի համար: Այն, որ ես զբաղվում եմ իմ սիրած գործով, ստեղծագործում եմ իմ սիրած ոճում, իմ սկզբունքներիդ երբեք դեմ չեմ գնում, երևի հենց այս սինթեզն էլ օգնում է ինձ մնալ այնպիսին, ինչպիսին կամ:  

 -Հայկ, Դուք մշտապես տարբերվել եք Ձեր յուրահատուկ երգերի ընտրությամբ,և զուր չէ, որ Ձեզ անվանում են ռոմանսների արքա: Երբևէ՞ ուրիշ ոճում կտեսնենք ձեզ: Օրինակ՝ Հայկոյին ռեպ կարդալիս:                                                                                                      

-Ասեմ, որ ռեպ շատ եմ սիրում, ունեմ հայ և արտասահմանյան սիրած ռեպ արտիստներ: Ինքս բավականին գործիքավորումներ եմ արել, և վերջերս մոսկվաբնակ մեր հայրենակցի՝ Գառայի երաժշտական պրոդյուսերն եմ եղել ռեպ ոճում: Սակայն ես ինձ չեմ տեսնում այդ ոճում, ես չունեմ այդ տաղանդը. ռեպը խորը արվեստ է, թեպետ «2 աստղ» նախագծում փորձել եմ:                                                              

-Վերջին ժամանակաշրջանում պասիվություն է նկատվում Հայկոյի մոտ, չունեք նոր կատարում, նոր տեսահոլովակ,ինչո՞վ է պայմանավորված երաժշտական դադարը:

-Տեսահոլովակ չեմ նկարահանել, բայց բավականինգործեր եմ արել կինոարտադրության մեջ: Միայն այս տարի գրել եմ երաժշտություն «Իմ սրտի տնակը», «Զոլոտոյ գլազ» Հրաչ Քեշիշյանի և Միխայել Պողոսովի ֆիլմերում: Նաև ATV հեռուստաընկերության «Խաչվող հետքեր» բազմասերիանոց ֆիլմի համար:Շուտով նաև նոր երգեր կունենամ:

-Ե՞րբ ակնկալենք Հայկոյից մենահամերգ, թեկուզև ակումբային տաբերակով:  

-Ես մտածում եմ այդ ուղղությամբ, բայց, ցավոք, ունենք բազմաթիվ խնդիրներ՝ սկսած դահլիճի բացակայությունից, վերջացրած տեխնիկական խնդիրներով: Բայց ես իմ երկրպագուներին շատ չեմ սպասեցնի:  

-Հիմա Հայաստանի ձայնը նախագծի ժյուրիի կազմում եք, ինչո՞վ էր պայմանավորված Ձեր՝ ևս մեկ անգամ հանդես գալը:          

-Նախ նշեմ, որ նախագիծը շատ սիրում եմ, հեղինակավոր նախագիծ է: Նաև ասեմ, որ առաջին եթերաշրջանի երաժշտական պրոդյուսերն էի: Հիմա Talpa ընկերության և Արմենիա հեռուստաընկերության  խնդրանքով  այս տարի ևս սիրով մասնակցում եմ:

 -Հայկ, տունն այն վայ՞րն է, որտեղ վերադառնալով լիարժեք հանգստանում եք:

-Իհարկե, տունն այն վայրն է, ուր վերադառնալով լիարժեք հանգստանում ես: Ես սպասում եմ, թե երբ եմ տուն վերադառնալու, մանավանդ, եթե քաղաքում չեմ ինչպես հիմա:  

-Վերջերս լուրեր սկսեցին պտտվել այն մասին, թե Հայկոն պատրաստվում է ևս մեկ անգամ հայրանալ, սակայն լուրերը հերքվեցին: Դուք պատրա՞ստ եք հիմա կրկին հայր դառնալ:  

-Այդ լուրերը չեն համապատասխանում ճշմարտությանը: Մենք դեռ չենք էլ մտածում երկրորդ երեխայի մասին, բայց եթե Աստված կամենա շատ ուրախ կլինենք:  

-Ո՞րն է երգիչ Հայկոի համար երջանիկ ընտանիք ունենալու բանաձևը: 

-Ես հստակ բանաձև չունեմ, ուղղակի սիրում եմ իմ կնոջն ու որդուս: Գուցե սա էլ հենց երջանկության բանաձևն է:

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել