Հ2 - խայտառակությունՀարգելի´ պարոն /տիկին նախարար/վարչապետ/նախագահ, «Հեռուստաեթերի մաքրման պահանջ» նախաձեռնությունը Ձեզ է դիմում`նկատի ունենալով Հանրային Հ2 հեռուստաընկերության կողմից ցուցադրվող Glendale Life Show հեռուստահաղորդման ահավոր վտանգավոր լինելու և մատաղ սերնդի դաստիարակության վրա բացասաբար անդրադառնալու խնդիրը: Եթե չեք դիտել այդ հաղորդումը, ապա խնդրում ենք դիտել մի փոքր հատված, և կհամոզվեք: Կարող եք նաև այս հղումով դիտել
Հատկապես 32-րդ րոպեից:
Մեր կողմից նշված հաղորդումը հեռարձակվում է ժամը 22:00-ին: Բացի այդ, օրվա ընթացքում անընդունելի անոնսներ են ցուցադրում: Սա վտանգավոր է ոչ միայն երեխաների ու երիտասարդների արժեհամակարգի խեղման համար, այլև մեծահասակների դեգրադացման համար նույնպես: Հեռուստաընկերություններով եթեր տրվող հաղորդումները պիտի կրթող, դաստիարակող, համամարդկային և ազգային բարձրագույն արժեհամակարգ ձևավորելու նշանակություն ունենան, ոչ թե բարոյալքեն հասարակությունը:
Մենք կարծում ենք, որ նման հաղորդումները ոչ միայն պիտի արգելվեն, այլև դրանք եթեր հեռարձակողներին պիտի ենթարկել հասարակական և քրեական պատասխանատվության:
Ուստի, ելնելով վերոնշյալից` պահանջում ենք անհապաղ օրենք ընդունել և արգելել նման տեսագրությունների ցուցադրումը բոլոր հեռուստաալիքներով: Հուսով ենք` Դուք հասկանում եք նման երևույթների կարևորությունն ու լրջությունը, քանի որ ձեր երեխաները նույնպես ապահովագրված չեն նման բաներ դիտելուց:
« Հեռուստաեթերի մաքրման պահանջ » նախաձեռնություն
