Ամրագոտու առկայությունը և կրկնակի տուգանքի նամակը նույն տրամաբանությունն ունեն

Վարորդների կողմից արդարացիորեն շարունակվում են բողոքները ` ՃՈ-ան և ԴԱՀԿ-ի գործելաոճից; Այսօր արդեն ՃՈ-ից պատասխանեցին, որ կրկնակի` արդեն վճարված, տուգանքների ուղարկման պատճառը բանկերի անբարեխիղճ աշխատանքի արդյունքն է; Ասել է, թե բանկերը ՃՈ չեն հասցնում ժամանկին վճարված կտրոնները; Այն,որ մենք քարե դարում չենք ապրում, երևի թե բոլորին է հայտնի, և վճարված տուգանքների կտրոնները պետք է, ոչ թե բանկերը վազացնեն ՃՈ, այլ համացամցային ծրագրի միջոցով ապահովի նման տուգանքի մարումը` վճարելուց հետո; Չէ որ երբ մենք կատարում ենք կոմունալ վճարումներ` ասենք գազի կամ էլեկտրոէներգիայի դիմաց, ամենևին էլ չենք պահում վճարման կտրոնները` վստահ լինելով,որ մեկ տարի անց ստիպված չենք լինի վճարել մեկ տարվա վաղեմության մուծումը; Ինչու ՃՈ-ը չի աշխատում նույն ծրագրով?; 
Պետք է փաստել, որ`

1.- Ոչ մի քաղաքացի պարտովոր չի վճարման կտրոնը պահել դարերով, որպեսզի ցանկացած պատեհ կամ անպատեհ առիթի դեպքում կտրոնով հանդերձ ներկայանա ՃՈ-ուն;,ժամերով հերթ կանգնի, նկատողություն ստանա սեփական աշխատավայրից`շատ անգամ զրկվելով սեփական աշխատանքից ,որպեսզի ապացուցի իր իրավացիությունը;

2-Ցանկացած բանկում,եթե կատարում ես որևէ մուծում, համակարգչում պահպանվում է մուծումիդ ֆայլը և հերիք է միայն անուն ազգանունիդ մուտքագրումը տվյալների բազա և` մուծմանդ առկայությունը երևում է;Այդ ուրիշ հարց է, որ բանկի աշխատողները ուղղակի կարող է ընդառաջ չգնան մուծողին և չտրամադրեն վճարման կրկնօրինակը;

3-ՄԻՊ-ը պարտավոր է առաջարկությամբ հանդես գալ; Ըստ որի` եթե ՃՈ-ը վարորդին է ուղարկում վաղուց վճարված տուգանքը երկրորդ անգամ, ապա պարտավոր է , վճարման փաստը ապացուցվելուց հետո, վարորդին փոխհատուցի համապատսխան գումարը`  քաղաքացուն անհարմարություն պատճառելու և սեփական կամ բանկի անփույթ աշխատանքի համար;

Վստահ եմ,որ այս դեպքում, ոչ մի բանկ ռիսկ չի անի թերանալ իր աշխատանքում և ոչ մի վարորդ մեկ անգամ ևս ստիպված չի լինի մասնակից լինել վերոնշյալ տհաճ պրոցեդուրաներին;
Հակառակ ցանկացած դեպքում պարզ է դառնում, որ սա բացարձակ նման է ամրագոտիներ չկապելու դեպքում տուգանելու տրամաբանությանը` երբ մեքենայից ներս նայում են այն հույսով,որ վարորդը ամրագոտին կապած չի լինի; Այդպես էլ կրկնակի տուգանքը ուղարկվում է այն հույսով, որ վճարման կտրոնը վարորդը պահած չի լինի;