Apple ընկերության նոր iPhone 6 հեռախոսը վերջապես արդեն հասանելի է, սակայն եթե դեռևս չես կողմնորոշվում արժե ձեռք բերել այն, թե ոչ, կարդա հեռախոսի մասին ստորև ներկայացվող հակիրճ նկարագիրը:
iPhone 6-ն իր չափերով ավելի խոշոր է: Էկրանի չափերը 1334x750-ի են հասնում է, իսկ դրա յուրաքանչյուր սանտիմետր մինչև 326 պիքսել հզորութան պատկեր կարող է ցուցադրել:
iPhone 6-ի դիզայնը բավականին յուրահատուկ է. այն կոր անկյուններ ունի, և չնայած նախկին մոդելներից այն մի քանի գրամով ավելի ծանր է` կշռելով 130.4 գրամ, այնուամենայնիվ, այն ավելի բարակ է: Ընդհանուր առմամբ դրա երկարությունը 13.8 սմ, լայնությունը 6.9սմ, իսկ հաստությունը 0.6 սմ է կազմում:
iPhone 6-ն առաջին արտադրանքն է, որը հագեցած է iOS8 համակարիգով: iOS-ի այս կատարելագործված տարբերակն ավելի մաքուր տեսք ունի քան iOS7-ը և հագեցած է մի շարք ավելի զարգացած ու կատարելագործված առանձնահատկություններով:
Այս նոր համակարգով, օրինակ` կարող եք պատասխանել ծանուցումներին միանգամից փակված էկրանից: Երբ դրանք հայտնվում են, անհրաժեշտ կլինի պարզապես դեպի ձախ «թերթել» և էկրանին կապույտ կոճակ կհայտվի, որից
հետո կկարողանաք պատասխանել տպելու միջոցով կամ նույնիսկ աուդիո տարբերակով: Բացի այդ էլեկտրոնային նամակները ջնջելու համար այս համակարգով
անհրաժեշտ կլինի ընդամենը ձախ «թերթել»:
Տեսախցիկը - Չնայած հեռախոսն ընդամենը 8 մեգապիկսել հզորություն ունեցող տեսախցիկ ունի, այնուամենայնիվ, նախորդ մոդելների տեսախցիկով արված լուսանկարների հետ համեմատած iPhone 6-ով արված լուսանկայրները թերևս ավելի որակյալ են: Համեմատության համար տես լուսանկարները:
iPhone6-ով արված լուսանկարներում ամպերն ավելի պարզ են երևում:
iPhone 6-ով 43 մեգապիքսել հզորությամբ պանորամաներ կարելի է լուսանկարել, այն դեպքում, երբ նախորդ` iPhone5S մոդելը, 28 մեգապիկսել հզորությամբ պանորամաներ էր նկարում: Համեմատության համար տես լուսանկարները:
iPhone 5S
iPhone 6
Դիմացի տեսախցիկը նույնպես կատարելագործվել է: Այժմ արդեն կարող եք պարզապես սեղմել Home կոճակն ու գրեթե անսահմանափակ քանակով սելֆիներ անել: Այնուհետև iPhone 6-ն ինքն է ընտրում որակյալ լուսանկարները, որոնք կարող ես պահել, իսկ մնացածները կարող ես միանգամից ջնջել:
iPhone 6-ի վիդիոնկարահանման հնարավորություններն իսկապես տպավորիչ են. պրոգրեսիվ սկանավորման հզորությունը` 1080, վայրկայնում 30 շրջանակի հնարավորություն, որը կարող եք փոփոխել` հասցնելով մինչև վայրկյանում 60 շրջանակի, ինչի արդյունքում գերիրական տպավորություն թողնող տեսանյութ է ստացվում, որին թվում է, թե կարող ես նույնիսկ դիպչել:
Տեխնոլոգիան - iPhone 6-ն աշխատում է A8 չիպով, որն իրենից ներկայացնում է կրկնակի հիմքով, 1.38 գեգահերց հզորություն ունեցող ARM հեռախոսի պրոցեսոր: Այն հագեցած է 1 գեգաբայթ օպերատիվ հիշողությամբ ու M8 շարժման պրոցեսորով:
Apple-ը նաև թարմացրել է Wi-Fi համակարգը, որը տեսականորեն 4 անգամ ավելի արագ է նախորդ մոդելների հետ համեմատած:
iPhone 6-ի մարտկոցը կարող է դիմանալ մինչև 14 ժամ` լուսանկարելու, տեսանյութ ձայնագրելու, խաղերից ու համացանցից օգտվելու հետ մեկտեղ:
Ընդհանուր առմամբ հեռախոսի այս մոդելը 64gb հզորություն ունի (iPhone 6 Plus-ը` 128gb) :
Դե իսկ գինը` սկսած 199 դոլարից:
