Անկարայի օպերայի և բալետի պետական շենքում ընթացող վերանորոգման ժամանակ հայտնաբերվել են մարդկային ոսկորներ և գանգեր:
Մարդկային մնացորդները հայտնաբերվել են 25-30 մետր խորության վրա: Գտածոներն ուղարկվել են թանգարան:
Օպերայի և բալետի շենքում վերանորոգման աշխատանքները ժամանակավորապես դադարեցվել են, որպեսզի հնագետները կարողանան պեղումներ կատարել:
«Մեծ թատրոն» անունը կրող շինությունը կառուցվել էր 1933 թվականին որպես թանգարան, իսկ 1984 թվականի վերածվել օպերայի և բալատի պետական թատրոնի շենքի:
Օպերայի և բալատի թատրոնի բեմի տակ վերանորոգման ժամանակ փորվել է 25-30 մետր խորությամբ փոս, որտեղ էլ հայտնաբերվել են մարդկային գանգեր, ոսկորներ և կարասներ:
«Հյուրիյեթի» տեղեկություններով` օպերայի և բալետի թատրոնի շենքի տեղում օսմանյան շրջանում եղել է հայկական գերեզմանատուն, որին էլ կարող են պատկանել գտածոները:
