Tert.am-ը գրում է.
Իրաքի և Լևանտի Իսլամական Պետության զինյալների կողմից Սինջար շրջանի Ռաբիա գյուղից անցյալ ամիս առևանգված 14-ամյա եզդի աղջիկը հրաշքով կարողացել է փրկվել գերությունից:
Ինչպես գրում է Daily Mail-ը` Ադեբա Շաքերին հաջողվել է դուրս գալ կալանքից, երբ նրան առևանգած իսլամիստներն անսպասելի զանգ ստանալուց հետո դուրս են եկել տնից` դուռը բաց թողնելով: Իր հետ գերության մեջ գտնվող աղջկա հետ միասին Ադեբան կարողացել է դուրս փախչել` հասնելով սահմանին ԻԼԻՊ-ի դեմ մարտնչող քուրդ զինվորներին, որոնք էլ օգնել են նրան՝ անվտանգ հասնել եղբոր մոտ:
Իսլամիստ զինյալներն առևանգված աղջիկներին մտադիր էին որպես նվեր հանձնել առաջնագծում կռվողներին և ստիպողաբար իսլամ ընդունել տալով՝ ամուսնացնել վերջիններիս հետ:
Daily Mail-ը նաև ֆոտոշարքով ներկայացրել է զինյալների հալածանքներից փախչող ու Սինջարի լեռներում ու Հյուսիսային Քուրդիստանի լեռներում ապաստան գտած եզդիների կյանքը:
Աբողջական հոդվածը կարող եք կարդալ այստեղ