Աշխարհի շատ երկրներում արդեն մեկնարկել են դասերը և աշակերտներն ու ուսանողները ոգևորված սկսել են իրենց նոր ուսումնական տարին, սակայն պետք է նշել, որ աշխարհի որոշ անկյուններում դպրոց հասնելը կարող է իսկական ճոխություն լինել: Կրթություն ստանալու համար աշխարհի տարբեր անկյուններում ապրող շատ երեխաներ աննկարագրելի դժվար ճանապարհ են անցնում, որը շատերը թերագնահատում են:
ՅՈՒՆԵՍԿՕ-ի համաձայն, դպրոցների ճանապարհները երեխաների համար հարմարեցնելու գործընթացը վերջին հինգ տարիների ընթացքում դանդաղել է: Վտանգավոր ճանապարհների խնդիրը լուծելը հեշտ է թվում` անհրաժեշտ է պարզապես ճանապարհներ ու կամուրջներ կառուցել, ավտոբուսներ գնել ու վարորդ վարձել, այնուամենայնիվ, բնական աղետներն ու ֆոնդերի սղությունը դժվարեցնում են աշխատանքները:
Աշակերտները 5 ժամյա ճամփորդություն են անցնում կես մետր լեռնային ճանապարհով` աշխարհի ամենահեռավոր դպրոց գնալու համար, որը գտնվում է Չինաստանի Գուլու բնակավայրում:
Երեխաները փայտյա վտանգավոր սանդուղքներ են մագլցում Չինաստանի հարավում գտնվող Ժանգ Ջիավան գյուղի դպրոց հասնելու համար:
Երեխաները Հնդկական Հիմալայների Զանսկար բնակավայրի դպրոց հաճախելու համար անցնում են Հիմալայան լեռների միջով:
Աշակերտներն անցնում են վնասված ճոճվող կամրջի վրայով` Ինդոնեզիայի Լեբակ բնակավայրի դպրոց հաճախելու համար: Բարեբախտաբար, երբ այս մասին տեղեկատվությունը տարածվեց, PT Krakatau պողպատի արտադրության ընկերությունը հանձն առավ երեխաների համար ավելի ապահով կամրջի կառուցման աշխատանքները:
Երեխաները թռչում են Կոլումբիայի Ռիո Նեգրո գետի վրայով անցնող, 800 մետր բարձրության վրա գտնվող պողպատյա լարի վրայով:
Երեխաները նավակներով են գնում դպրոց Ինդոնեզիայի Ռիաու բնակավայրում:
Երեխաները անտառով են անցնում` քայլելով ծառերի արմատներից բնական կամրջի վրայով` դպրոց հասնելու համար, Հնդկաստան:
Աղջնակը ցլի վրա նստած դպրոց է գնում, Մյամար:
Երեխաները դպրոց են գնում տուկտուկ կոչվող մեքենայով Հնդկաստանի Բելդանգա բնակավայրում:
Ձնառատ եղանակին անցնում են կոտրված կամրջի վրայով, Չինաստանի Սիչուան նահանգի Դուջիանգյանի դպրոց հասնելու համար:
Երեխաները ճամփրդում են փայտյա նավակի տանիքին Ինդոնեզիայի Պանգուրուրան բնակավայրի դպրոց հասնելու համար:
Աշակերտուհիներն անցնում են 16-րդ դարի ամրոցի պատերի վրա դրված տախտակի վրայով Շրի Լանկայում:
Աշակերտներն նավակով անցնում են Հնդկաստանի Կերալա բնակավայրի դպրոց հաճախելու համար:
Աշակերտները ձիու սայլով գնում են Հնդակստանի Դելի քաղաքի դպրոց:
Ուսանողները եղեգներից լաստերի վրա անցնում են Ինդոնեզիայի Սիլանգկապ գյուղի Սիհերանգ գետի վրայով:
Երեխաները 200 կմ տարածություն են կտրում լեռներով` Չինաստանի Փիլի բնակավայրի դպրոց հաճախելու համար:
Երեխաները քայլում են 30 ոտնաչափ բարձրության վրա գտնվող մետաղյա պարանների վրայով` Ինդոնեզիայի Սումատրայի շրջանի Պատանգ բնակավայրի դպրոց հաճախելու համար:
Տարրական դպրոցի աշակերտները Ֆիլիպինների Ռիզալ բնակավայրի դպրոց են հաճախում` գետը անցնելով փչած անիվի վրա: