Երեկ շատ խառը օր դուս եկավ հա: Փորձեմ հակիրճ ներկայացնեմ:
Ցավոք սրտի երեկ մեր ժամկետային զինծառայողներից մեկը մահացավ: Ցավակցում եմ բոլորիս:
Բայց երեկ նաև մեր զինծառայողներից մեկը՝ Հակոբ Ինջիղուլյանը վերջապես ազատվեց ադրբեջանական գերությունից ու տեղափոխվեց երրորդ երկիր: Հուսանք Հակոբը շուտ հնարավորություն կունենա վերադառնալ իր հայրենիք, հաշվի առնելով նաև այն փաստը, որ ամենաբարձր մակարդակով խոստացվել է Հակոբի հանդեպ որևէ հետապնդում չիրականացնել:
Շատ կարևոր դեպք էի երեկ մոռացել նշել նյութիս մեջ: Ուղղեմ սխալս: Վերջապես հազար տարի համատեղ կյանքից հետո ամուսնացան Անջելինա Ջոլին ու Բռետ Պիտը: Մաղթենք սիրառատ կյանք մեր նորապսակներին:
Երեկ բառից բուն իմաստով՝ ԱՍՏՂ-ի ծնունդ էր: Մայքլ Ջեքսոնը երեկ կարող էր նշել իր ծննդյան օրը: Ֆեյսբուքում երեկ Ջեքսոնի ֆանատները յուրովի հիշում էին իրենց ԱՍՏՂ-ին ու տարածում նրա երգերը: Չեմ կարող չասեմ, ես էլ եմ մեծ հաճույքով լսում այդ երգերը:
