Գիտնականներն առաջին անգամ կարողացել են ապացուցել, որ մեռած աստղերը, որոնք հայտնի են որպես սպիտակ գաճաճներ, կարող են բռնկվել ու պայթել, ինչպես սուպերնովաները: Սա իրենից խիստ հազվագյուտ տիեզերական երևույթ է ներկայացնում, որը հաջողվել է ֆիկսել առաջին անգամ:
Այս ապշեցուցիչ լուսանկարները ստեղծվել են աստղի մահվան կամ պայթյունի փուլերը ցուցադրելու համար:
Հայտնագործությունն արվեց այն ժամանակ, երբ հնարավոր եղավ առաջին անգամ ֆիկսել այս պայթյուններից մեկի ժամանակ ռադիոակտիվ մասնիկներից արձակված գամմա ճառագայթները:
Գիտնականններն այժմ համոզված նշում են, որ սպիտակ գաճաճ աստղերը կարող են բռնկվել ու պայթել, ինչպես սուպերնովաները:
Չնայած այս տեսակ սուպերնովաները, թվում է, թե ավելի հաճախ հանդիպող երևույթներ են, այնուամենայնիվ, դրանք յուրաքանչյուր գալակտիկայի համար բացառիկ են ու տեղի են ունենում մի քանի հարյուր տարին մեկ անգամ:
Այսպիսի պայթյունների տեսության համաձայն, սպիտակ գաճաճի ածխածինն ու թթվածինը պայթյունի ժամանակ ռադիոակտիվ նիկելի են միաձուլվում: Նիկելն, այնուհետև քայքայվում է ռադիոակտիվ կոբալտի, որն էլ իր հերթին է ավելի դանդաղորեն քայքայվում՝ վերածվելով երկաթի:
SN2014J սպիտակ գաճաճի պայթյունը տեղի է ունեցել Երկրից 11.5 միլիոն լուսային տարի հեռավորության վրա: Այժմ, համոզվելով, որ սպիտակ գաճաճները կարող են պայթել, գիտնականները փորձում են ավելի մանրամասն հասկանալ, թե ինչպես է տեղի ունենում դրա բռնկումն ու պայթյունը: