Այսուհետ անվտանգության համար անհանգստացող վարորդները կարող են հանգիստ վարել BMW ավտոարտադրող ընկերության կողմից ստեղծված նոր BMW X5 Security Plus մեքենան, որն այս շաբաթ ցուցադրության է հանվել Ռուսաստանի մայրաքաղաք Մոսկվայում՝ Moscow Motorshow ավտոցուցահանդեսի ընթացքում:
Միջոցառան ընթացքում աշխարհի խոշորագույն ավտոարտադրողները ներկայացրել են իրենց արտադրության փամփշտակայուն մեքենաները:
BMW ընկերությունը հայտարարել է, որ իրենք առաջինն են, որ պաշտպանություն են առաջարկում AK-47-ի կամ այլ կերպ հայտնի՝ Կալաշնիկովի ավտոմատի փամփուշտներից: Մեքենան նաև կպաշտպանի փողոցային հարձակումներից, բութ գործիքների հարվածից ու ատրճանակի արձակած կրակից:
Մեքենան մշակված պողպատից ու փամփշտակայուն չկոտրվող ապակուց է ստեղծված, ինչպես նաև հագեցած է ամուր փամփշտակայուն անվադողերով: Մոդելը հագեցած է նաև անվտանգության հատուկ համակարգով, ազդանշանային ու ներքին հաղորդակցության համակարգերով:
Չնայած BMW –ի X5 շարքի մեքենաների գինը 70.000 դոլարից են սկսում, այս նոր մոդելը մոտ 180.000 դոլար կարժենա:
Մոդելը կմիանա BMW-ի նախկին անվտանգության մեքենաների՝ BMW 7 High Security շարքին, որը նախատեսված է բարձրաստիճան պաշտոնյաների համար:
Երբ Թոնի Բլեերը զբաղեցրեց վարչապետի պաշտոնը, նախընտրեց BMW 7 շարքի մեքենայով շրջել: Դեյվիդ Կամերոնը Jaguar XJ, իսկ ԱՄՆ նախագահ Բարակ Օբաման Կադիլակի ոճով լիմուզին է նախընտրում: