Ինչ ուզում է ասի Թալինի հանրապետական քաղաքապետ Սարգիս Արամյանը, միեւնույնն է չեմ հավատում: Ես գիտեմ տասնյակ սիրահայերի, գիտեմ ինչպես են նրանք աշխատում, գիտեմ թե ինչպիսի պատասխանատվությամբ են նրանք վերաբերվում իրենց աշխատանքին: Ես չեմ ճանաչում սիրիահայ Բողոս Աղոյանին, բայց գիտեմ թե ինչպես են իրենց պահում հանրապետական քաղաքապետերը եւ նրանց շրջապատը: Մենք գրեթե ամեն օր ենք հանրապետականների «քաջագործություններին» ականատես լինում:
Սարգիս Արամյանը հերքում է իր բարեկամների մասնակցությունը բժշկի ծեծին: Բայց կա որեւէ մեկը, որ հավատա նրան: Իհարկե, ոչ: Իսկ բոլորս շարունակում եք Հրանուշ Հակոբյանի գլխավորությամբ «Արի տուն» ծրագիր իրականացնել, խոսել Ցեղասպանության մասին, զանազան միջոցառումներ կազմակերպել սփյուռքի հետ կապերն ամրապնդելու համար ու զուգահեռ էլ՝ ծեծել Հայաստան վերադարձած սիրիահայ բժշկին: Բժիշկը, վստահ եմ, կհեռանա Հայաստանից: Հայրենիքը նրան միայն նվաստացրեց, մեր բոլորիս լուռ հայացքի ներքո, իսկ թալինցիներն էլ կշարունակեն հանդուրժել իրենց քաղաքապետին ու նրա շրջապատին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել