Սիդնեյի «Բոնդի այսբերգներ» կոչվող լողավազանն արդեն գրեթե 100 տարի է, ինչ հնարավորություն է տալիս լողի սիրահարներին իրենց ժամանակը վայելել օվկիանոսի ափին գտնվող այս լողավազանում:
Սան Ալֆոնսո Դել Մարը գտնվում է Չիլիի ափամերձ շրջանում ու համարվում է աշխարհի ամենախոշոր լողավազանը` պարունակելով ընդհանուր առմամբ 250 միլիոն լիտր ջուր:
Մարինա Բեյ Սենդս լողավազանը գտնվում է Սինգապուրում երկնաքերի 57-րդ հարկում ու հնարավորություն ընձեռում անկրկնելի քաղաքային բնապատկերի ականատես լինել:
Ճապոնիայում Ֆենիքսի Սիգայա հանգստյան տան լողավազանում արհեստական ավազ ու ալիքներ կարելի է գտնել, ինչպես նաև պատերին նկարված, երկինք ու մշտապես պահպանվող 30 աստիճան տաքություն ըստ ցելսիուսի: Իսկ լողավազանի տանիքը կարող է փակվել ու բացվել դրսում եղանակային պայմաններին համապատաասխան:
Այս լողավազանը սրտից թույլ մարդկանց համար չէ: Գտնվելով Շանհայի երկնաքերերից մեկի 24-րդ հարկում` այս լողավազանի հատակը թափանցիկ ապակուց է պատրաստված, ինչը իսկապես սուր զգացողությոուններ է փոխանցում:
Հունաստանում գտնվող Պերիվոլաս հանգստյան տան լողավազանը փորված է այս հրաշագեղ կղզու ժայռի մեջ, որից անկրկնելի տեսարաններ են բացվում:
Հնդկաստանում գտնվող Օբերոյը սովորական լողավազան չէ: Այստեղ լողալու հետ մեկտեղ կարող եք վայելել Ռաջաստանի Մյուարի պալատի շքեղ գեղեցկությունը, որի շրջակայքով էլ ձգվում է այս հրաշագեղ լողավազանը:
Կախովի այգիներ կոչվող այս յուրահատուկ լողավազանը Բալիի Ուբուդ բնակավայրի թաքնված գանձն է, որը նայում է հինդուիստական հինավուրց տաճարին ու շրջապատված է փարթամ կանաչով:
Այս յուրօրինակ կարմիր լողավազանը գտնվում է Թայլանդի Կոհ Սաուի կղզում: Այն կարել է գտնել The Library (գրադարան) կոչվող բուտիկ - հյուրիանոցում: Իսկ դրա կարմիր գունավորումը կարմիր սալիկների արտացոլանքի արդյունքն է:
Հորդանանի Վեց զգայարանների սպա կենտրոնում հնարավորություն ունեք լողալու բնական տաք աղբյուրի տակ, որը լեռներից ցած է գահավիժում անապատի հենց կենտրոնում:
Շվեյցարական Ալպերով շրջապատված` Կամբրիանի լողավազանը խաղաղության ու հանգստության զգացողություն կփոխանցի ձեզ ու դրսի ցրտից կպաշտպանի իր տաք ջրերում: