Tert.am-ը գրում է.
Ֆրանսիական Կալե քաղաքում ավելի քան 50 հոգի է վիրավորվել, երբ աֆրիկացի ներգաղթյալները փողոցային կռվի են բռնվել սննդի բաշխման կենտրոնի մոտ, հայտնում է dailymail.co.uk-ը:
Ներգաղթյալները Սուդանից և Էրիտրեայից են եղել: Բախումները սկսվել են երեկ երեկոյան, սակայն շարունակվել են մինչ այսօր և իրավապահ մարմինները ստիպված են եղել կիրառել արցունքաբեր գազ և ռետինե փամփուշտներ:
Վերջին 48 ժամը ամենալարվածն է եղել Կալե պորտում: Ավելի վաղ՝ երկուշաբթի օրը վիրավորվել էին 13 անձինք, սակայն այդ միջադեպը մեծ աղմուկ չէր բարձրացրել:
Վերջին ամիսներին աֆրիկյան ներգաղթյալների քանակը աճել է՝ հասնելով մոտ 1000-ի: Բախումների հնարավոր պատճառներից է եղել Կալեի փոխքաղաքապետ Ֆիլիպ Մինյոնեի հայտարարությունն այն մասին, որ ներգաղթյալներին նստեցնելու են լաստանավեր և ետ ուղարկեն Մեծ Բրիտանիա:
