Բազմաթիվ տղամարդիկ առանձնահատուկ համակրանք են տածում ռուս կանանց հանդեպ, սակայն այս գեղեցկության մրցույթին մասնակցող ռուս կանանցից պետք է զգուշանալ: Նրանք հասարակ կանայք չեն, այլ իսկական զինվորներ: Մի անզգույշ խոսք, մի անզգույշ հայացք, և հետևանքները կարող են բավականին լուրջ լինել:
Ռուսաստանի պաշտպանության նախարարությունը որոշեց գեղեցկության մրցույթ անցկացնել: Սա լավ PR քայլ էր, որը հնարավորություն ընձեռեց ռուսական բանակին ավելի մեծ ճանաչում ձեռք բերել: Այսպիսով՝ 2005 թ.-ի հունիսին իգական սեռի 19 զինվոր ու նավաստի մասնակցեցին «Ուսադիրներով գեղեցկուհիները» մրցույթին: Այս մրցույթը ինտերնետում հայտնի է նաև «Միսս ռուսական բանակ» անվանմամբ: Գեղեցկության մրցույթը ուղիղ եթերում հեռարձակվում էր ռուսական հեռուստաալիքներից մեկով: Այս յուրօրինակ գեղեցկության մրցույթի ընթացքում զինվորները՝ համազգեստները հագին, քայլում էին պոդիումով և երգեր երգում: Նրանց ուղեկցում էին կիթառահարները: Երգի բառերն էին՝
Քանի որ մենք զինվոր ենք,
Մեզ նախ պետք է զենք,
Միայն հետո տղաներ են պետք:
Մրցույթի ընթացքում մասնակիցները նաև սողալով անցնում էին դժվարանցանելի տեղերով, մտնում տանկեր և վազվզում՝ ավտոմատ զենքերը ձեռքներին: Մի խոսքով, այս գեղեցկության մրցույթը շատ առումներով զորավարժանք էր հիշեցնում: Ժյուրին, ի վերջո, հաղթող ճանաչեց Ռուսաստանի հյուսիսային նավատորմի ինժեներ լեյտենանտ Քսենյա Ագարկովային, ում նկարը ցուցադրված է վերևում: Գեղեցկության մրցույթի դիտողներից շատերը հիասթափված էին, երբ մրցույթն ավարտվեց, իսկ մասնակիցներն այդպես էլ բիկինիներով չներկայացան:
Ձեզ կարող են հետաքրքրել նաև «Միսս Հավ», «Միսս Փիղ» և «Միսս Բանտ» գեղեցկության մրցույթները:
