Կուկուռուզը (նույն ինքը` եգիպտացորենը) երգչուհի Շադեի պես է…դեռ չեմ տեսել մեկին, ով չսիրի այն: Անկախ դրա հանդեպ մեծ սիրուց, միևնույնն է, երբեմն մտածում ես ինչ անել կուկուռուզի հետ` բացի եփելուց:
Եգիպտացորենով գերհագեցած շաբաթվանից հետո վերջապես որոշեցի գնալ այլ ճանապարհով ու թարմացնել ճաշացանկը: Արդյունքում ստացվեց շատ համեղ մեքսիկական ֆասթ ֆուդ:
Իհարկե ֆասթ-ֆուդը լավ բան չի, բայց տնային պայմաններում պատրաստած ամեն ինչն էլ, բացի մետամֆիտամինից, անվնաս է (ցանկության դեպքում բոլոր ոչ ցանկալի բաղադրիչները կարելի է փոխարինել): Մեզ ընդամենը պետք է`
4 Հատ եգիպտացորեն
1/2 բաժակ մայոնեզ կամ թթվասեր, եթե խուսափում եք մայոնեզից
1 լիմոնից կամ լայմից քամած հյութ
մանրեցված պանիր` ցանկալի է յուղային
1 թգ չիլի փաթիլներ
1 2թգ պապրիկա
2 ճգ հալեցրած կարագ
աղ՝ ըստ ճաշակի
Ամեն ինչ շատ հեշտ է`
Եգիպտացորենը դնում ենք եռացող ջրի մեջ ու եփում 5 րոպե, որից հետո տեղափոխում ենք հատուկ գրիլի թավա, կամ բիբարի պես` խորովում գազօջախին: Զգույշ պտտացնելով խորովեք ձեզ եգիպտացորենն ու երկար մի թողեք կրակին` պետք չի այն շատ սևանա: Հանեք կրակից, տեղափոխեք ամանի մեջ ու վրձնով (այն մեկով, որով խաչապուրիների վրա ձու եք քսում, այլ ոչ թե նկարում :) ) քսեք վրան հալեցրած կարագը:
Հիմա խառնեք իրար մայոնեզը, լիմոնն ու համեմունքները:
Մայոնեզային լուծույթն էլ ավելացրեք եգիպտացորենի վրա ու լցրեք մանրեցված պանիրը:
Մմմմմ…վերջ, մեքսիկական ֆասթ-ֆուդը պատրաստ է, կարող եք այն վաճառել տնեցիներին :)
Սիրով`
Նյամիկ Էլլա Կանեգարիան
