Քիչ առաջ հայտնի դարձավ, որ Քաշաթաղում «Վիլիս» մակնիշի ավտոմեքենա է պայթել ականի վրա, կա մեկ զոհ և երեք վիրավոր: Վիրավորներին շտապ, ուղղաթիռով տեղափոխել են Երևան, վիրավորների մեջ է եղել Արմավիր քաղաքի քաղաքապետ Ռուբեն Խլղաթյանը, իսկ մյուս երկու վիրավորների անձի մասին տեղեկատվություն չի տրվել: Ցավոք, նաև զոհ կա՝ ինչպես նշեցի, զոհվածը Ռուբեն Խլղաթյանի վարորդն է եղել՝ Արամ անունով: Բոլորիս համար ցավ է, որ խաղաղ պայմաններում ունենք ականից տուժածներ և զոհ, բայց ինչ արած: Պատերազմի սկզբնական հատվածում, երբ չկար կանոնավոր բանակ, երկու հակամարտող կողմերն էլ ականապատել են տարածքներ հակամարտության գոտում, իսկ քարտեզներ ականադաշտերի հաճախ չեն կազմվել, կամ կազմելուց էլ հաստատ ադրբեջանական կողմը մեզ չէր տրամադրի: Պետությունը, բանակի ինժեներասակրավորական ստորաբաժանումների և մասնավոր ականազերծող կազմակերպությունների միջոցով, երկար տարիներ կատարում է ականներից մաքրման աշխատանքներ ՀՀ և ԼՂՀ տարածքներում՝ մեր սրբազան Հայաստանում: Ցավոք սրտի, անիծյալ ականները դեռ երկար պետք է մաքրվեն մեր հայրենի հողից. ականը այն նենգ զենքն է, որ օգտագործելուց բավականին ժամանակ հետո է իր սև գործն անում: Ինչևէ, ցավը բոլորինս է. Արամը մեզանից մեկն է, Արամը ՀԱՅ է, իսկ վիրավորներին ցանկանանք ապաքինում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել