Tert.am-ը գրում է.
Մեծ Բրիտանիայի Բրիսթոլ քաղաքի 56-ամյա բնակիչ Թիմ Վիլմոտն այնքան է տարված այգեգործությամբ, որ կարողացել է իր տան ետնաբակը վերածել էկզոտիկ ջունգլիի։ Ինչպես նշում է The Telegraph-ը, տղամարդուց 25 տարի է պահանջվել նման տպավորիչ արդյունքի հասնելու համար։
Հավակնոտ գաղափարի իրականացման համար բրիտանացին ծախսել է մոտ 20.000 դոլար, սակայն ստացված արդյունքը, անշուշտ, արդարացրել է այդ ծախսը։ Այժմ տղամարդու ետնաբակը վերածվել է դրախտի։
Քաղաքային ջունգլիում կարելի է գտնել էկզոտիկ բույսերի 80 տեսակ՝ այդ թվում նաև եղեգ, բանանի ծառ ու արմավենի։
Վիլմոտը պատմել է, որ այգու խնամքի համար շաբաթական տրամադրում է 3-4 ժամ՝ օգնելով արևի տաք շողերին սովոր բույսերին աճել բրիտանական խոնավ եղանակային պայմաններում։
Նյութի աղբյուր՝ http://www.tert.am/am/news/2014/07/12/city-jungle/
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել