Tert.am-ը գրում է.
Երևանի փոխոստիկանապետ Վալերի Օսիպյանը Tert.am-ի հետ զրույցում անդրադառնալով այսօր Հատուկ քննչական ծառայության կողմից իր նկատմամբ հարուցված քրեական գործին, ասաց, թե տեղյակ չէ, որ իր նկատմամբ քրեական գործ է հարուցվել:
Հիշեցնենք, որ Նուբարաշենում 22-ամյա Վանուշ Ալեքսանյանի դանակահարությունից հետո, որի մեջ կասկածվում է Վալերի Օսիպյանի 22-ամյա եղբորորդին՝ Սեդրակ Օսիպյանը, Նուբարաշենի բնակիչ Սուսաննա Հովհաննիսյանը հայտարարել էր, որ Օսիպյանն իրեն առաջարկել էր, որպեսզի դանակահարության պատասխանատվությունը ստանձնի նրա որդին՝ Սարգիս Հովհաննիսյանը, որը ևս մասնակցել է հունիսի 1-ի վիճաբանությանը:
-Պարոն Օսիպյան, Ձեր նկատմամբ քրեական գործ է հարուցվել, ինչպե՞ս ստացվեց, որ այդպես եղավ:
-Տեղեկություն չունեմ, որ իմ նկատմամբ քրեական գործ է հարուցվել:
-Բայց Ձեզ համար մի քիչ արտառոց չէ՞:
-Ինչի՞ համար:
-Որ Դուք՝ կասկածյալ, և այլն:
-Գիտեք՝ ես իմ քայլերի համար հաշվետու եմ և կարծում եմ՝ ոստիկանությունում վստահ են, որ ես անօրինական որևէ բան չեմ արել: Մնացածը քննությամբ կպարզվի և անկախ ամեն ինչից, ով մեղավոր է, թող պատասխանատվություն կրի: Օրենքի առջև բոլորը հավասար են:
Ամբողջական հոդվածը կարող եք կարդալ այստեղ