Ամեն դար ունեցել է իր կառավարիչներին, իր լիդերներին : Ժամանակները փոխվում են, առաջնորդները՝ նույնպես : Սակայն ամեն մի առաջնորդ ունեցել է սեփական կառավարման ձևը: Մեր օրերում մենք էլ ունենք մեր առաջնորդին : Նա ապրում է մեր կողքին ու մենք նրան չենք նկատում:
Եկեք ծանոթանանք նրա հետ , դիմավորեք .
Կանաչ կետ
Ո՞վ է նա : Նա մեր սիրելի ՛՛օնլայնի՛՛ նշանն է , ինչպե՞ս չճանաչեցիք : Մեր կյանքը կառավարում է այս փոքրիկ կանաչ կետիկը , նա է մերօրյա առաջնորդը : Նա է ցույց տալիս մեր բոլոր զգացմունքները , մեր հոգեվիճակի վերելքներն ու վայրէջքները:
Միայն մնաց մի բան հասկանանք. նա առաջնո՞րդ է, թե՞ բռնակալ : Միգուցե առաջնորդ ,ով հոգու խորքում բռնակա՞լ է :
***
Նա կարողանում է խախտել մեր ամբողջ գրաֆիկը . ԴՈՒ օնլայն ես ու թքած թե տասնհինգ րոպեից հանդիպման եմ :Ես միքիչ էլ կսպասեմ...Մեկ էլ տեսար ՝ գրես :
Կետիկը փոխում է մեր տրամադրությունը . ԴՈՒ մտար կայք՝ ես երջանիկ եմ : Դուրս եկար ՝ տխրեցի : Ինձ չես գրում ՝ մեկ ուրիշին ես գտել ,ով երևի ավելի հետաքրքիր է ինձնից, միգուցե նաև՝ ավելի գեղեցիկ : Քեզնից նամակ ստացա ՝ ես գիտեի, որ քեզ համար կարևոր եմ: Ուր էլ գնաս ՝ ինձ մոտ ես գալու:
Նա խախտում է մեր քունը . բա որ գիշերը գաս...Մեկ էլ տեսար արթնացար ու որոշեցիր չաթ մտնես : Միգուցե գրես: Այս գիշեր միքիչ ուշ կքնեմ: Միայն թե տառակույտդ տեսնեմ:
Նա մեր մեջ կասկած է արմատավորում . արդեն երկու ժամ է ՝ չես ՛՛կանաչել՛՛ , ու՞ր ես: Գրողը տանի, միգուցե ինձ համար ՛՛օֆլայն ՛՛ ես դարձել ,հը՞ : Միգուցե երեկվա մեր ՛՛խոսակցության՛՛ մեջ մի բան այն չեմ գրել : Միգուցե նեղացրել եմ քեզ , հա՞ ....Սպասիր նամակները նորից կարդամ...Չէ...Ամեն ինչ կարգին է...Բա ու՞ր ես :
Մենք ժամանակ չունենք ոչ մի բանի համար . եթե ես հիմա գնամ դաս անելու , բա որ գա՞ս : Բա որ հենց այդ րոպեին ցանկանաս գրել ու ես չլինեմ: Միգուցե հետո էլ չգրես , ես կկորցնեմ այդ հնարավորությունը : Չէ, չէ, թող էջս բաց մնա : Ես դաս կանեմ, աչքի ծայրով էլ կտեսնեմ գրեցի՞ր, թե՞ չէ... Այսպես էլ պարապել չի ստացվում : Լավ, դասերս հետո էլ կհասցնեմ ,ավելի լավ է էջս քրքրեմ , ժամանակ սպանեմ, մինչև գրես : Միգուցե ես գրեմ ,հը՞ : Չէ, չէ, ես քեզ երկու օր առաջ եմ գրել (սա կոչվում է ՛՛օնլայն անիմաստ հպարտություն՛՛) , կսպասեմ մինչև դու գրես :
Այս ցանկը կարելի է ժամերով շարունակել:
Իհարկե, դուք կասեք ,որ խնդիրը ոչ թե կետիկի մեջ է այլ՝ ՆՐԱ:
Իրականում մեզ համար ուղղակի դժվար է ընդունել, որ մենք գերի ենք հասարակ մի կանաչ կետի: Նա կառավարում է մեզ, դարձնում ծույլ , ոչ պունկտուալ , դարձնում կասկածամիտ, մենք սկսում ենք փրփուրներից կախվել : Իհարկե՜ , մարդու ՛՛օֆֆլայն՛՛ վիճակը շատ բան է պատմում նրա մասին: Մենք բոլորին կմեղադրենք, բացի մեզնից : Ես ասում եմ կանաչ կետ , սակայն այդ կանաչ կետն էլ իրականում մեր ձեռքում է :
Շարունաակությունն` այստեղ
