Այսօր մեր երկրում կրկին տեղի է ուենցել նոր եկեղեցու օծման արարողություն: Ինչ խոսք, ունենք, հրաշալի ճարտարապետություն, և Արմավիրում կառուցված Սուրբ Գրիգոր Նարեկացու անունը կրող եկեղեցին հիանալի ճարտարապետական հմայք է հաղորդում…
…Բա՞յց.
Տարիներ առաջ մի պատմություն լսեցի, թե երբ օտարերկրյա զբոսաշրջիկներն այցելել են Հայաստան, և նրանց բոլորին ուղեկցել են մեր վանական համալիրները՝ ցույց տալու համար, բոլորը հիացել են և բարձրաձայն արտահայտել իրենց անկրկնելի զգացողությունների մասին:
Սակայն զբոսաշրջիկներից մեկը հարցրել է՝ իսկ որտե՞ղ են այն տեղաբնիկ մարդկանց տները, ովքեր այցելել են այդ եկեղեցիները ու մոմ վառել…
…Առհասարակ, ինքս կողմ եմ ուժեղ եկեղեցու գոյությանը, և իսկապես գնահատում եմ նրա պատմական առաքելությունն ու ունեցած դերակատարությունը մեր ժողովրդի կյանքում:
Բայց իսկապես չեմ հասկանում այս եկեղեցաշինական բումը, որ տիրում է մեր երկրում: Տպավորություն է, որ քիչ թե շատ փող ունեցող մեկն իր պարտքն է համարում իր համայնքում մի եկեղեցի կառուցել՝ մյուսներին ինչ-որ բան ապացուցելու համար…
Կներեք, բայց սրանով հանդերձ, մենք, ցավոք սրտի, չենք դառնում հավատացյալ ժողովուրդ, ու ամեն օր բազմիցս անգամ խախտում ենք աստծո պատվիրանները, իսկ աբսուրդն այն է, որ եկեղեցի կառուցողները խախտում են կրկնակի անգամ…
Մի քիչ ցինիկ է ստացվում, բայց այլ ելք չկա. Ձևը գտնեի, իշխանությունը վերցնեի, ու առաջիկա քսան տարիների ընթացքում ուղղակիորեն կարգելեի նոր եկեղեցաշինությունը՝ այդ փողերն ուղղելով գյուղերի ճանապարհների վերանորոգմանը, որ «հավատավոր» մարդիկ գոնե նորմալ ճանապարհով կարողանային գնալ եկեղեցի՝ մոմ վառելու…
Փա´ռք քեզ, տե´ր Աստված…
