Օրեր առաջ Ստամբուլում ՀՀ քաղաքացի Գրիգոր Իշխանյանը դանակի հարվածներով սպանել էր իր վարձակալած տան թուրք տիրոջը, ով սեռական ոտնձգություն էր իրականացրել նրա ընկերուհու` հայազգի Սեդայի նկատմամբ:
Ձերբակալությունից հետո Գրիգորն առաջին անգամ հայտարարությամբ է հանդես եկել` պատմելով, թե ինչ է տեղի ունեցել սպանության օրը:
«Տուն վերադառնալիս հանդիպեցինք մեր տանտիրոջը: Նրան հրավիրեցինք ներս, ապա միասին նստեցինք հաց ուտելու: Որոշեցի գնալ զուգարան:
Երբ վերադարձա, տեսա, թե ինչպես է նա իմ կնոջ նկատմամբ ոտնձգության փորձ կատարում: Կատաղությունից ինձ կորցրեցի»,-ոստիկանությունում նշել է հայաստանցի տղամարդը:
37-ամյա Գրիգորն ու 20-ամյա Սեդան մեկ տարի առաջ էին Թուրքիա տեղափոխվել և բնակվում ու աշխատում էին ապօրինի, քանի որ նրանց վիզաների ժամկետը լրացել էր:
Թուրքական մամուլը նաև հավելում է, թե Սեդան հարցաքննության ժամանակ նույնպես նշել է, որ «իրենք, բնակարան վերադառնալով, թուրք տանտիրոջը հրավիրել են թեյ խմելու, իսկ երբ Գրիգորը գնացել է զուգարան, նա հարձակվել է իր վրա:
Նշեմ, որ Գրիգորն ու Սեդան ներկայում պահվում են կալանքի տակ:
Նյութի աղբյուր՝ http://gevorgpetrosyan.livejournal.com/206854.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել