Tert.am-ը գրում է.
Միացյալ Նահանգների նախագահ Բարաք Օբաման ռուս գործընկեր Վլադիմիր Պուտինի հետ հեռախոսազրույցի ընթացքում մեղադրել է Մոսկվային Ուկրաինայի հարավ-արևելքում երկրի դաշնայնացման կողմնակիցներին աջակցելու համար: Այս մասին հայտնում է lenta.ru-ն` Agence France-Presse-ին հղումով:
Ինչպես նշվում է Սպիտակ տան մամուլի ծառայության հաղորդագրությունում, ամերիկացի առաջնորդը նաև կոչ է արել Պուտինին «օգտագործել իր ազդեցությունը»` համոզելու համար ռուսամետ ակտիվիստներին ազատել գրավված վարչական շենքերը:
Օբաման ընդգծել է, որ ճգնաժամի կարգավորման դիվանագիտական լուծումը դեռ հնարավոր է, սակայն դրան հնարավոր չէ հասնել «Ուկրաինայի հետ սահմանին ռուսական ռազմական ներկայության պայմաններում»:
Ռուս առաջնորդն իր հերթին հայտարարել է, որ ԱՄՆ-ի անհանգստությունը հիմնված է «ոչ ճիշտ տեղեկությունների» վրա: Այս մասին էլ հայտնում է Կրեմլի մամուլի ծառայությունը:
Ամբողջական հոդվածը կարող եք կարդալ այստեղ