Ներքաղաքական կյանքը վերջին շրջանում հագեցած է նորանոր զարգացումներով: Ողջունելի է, երբ ժողովրդի մեջ նկատվում է սեփական երկրում սեփական ձեռքերով բարեփոխումներ կատարելու մղումը:
Քաղաքացիները հոգնել են խաբված ու անտեսված մնալուց և արդեն իսկ վստահ քայլերով պայքարում են քաղաքական դատարկախոսների և նրանց կողմից իրականացվող գործառույթների դեմ:
Այն երիտասարդները, ովքեր համախմբվել են ընդանուր գաղափարի շուրջ և միասնական իրենց դժգոհությունն են հայտնում երկրի ներսում կատարվող իրադարձությունների մասին, հույս է արթնացնում, որ ամեն ինչ դեռ կորած չէ, և մենք ԴԵՄ ենք այս անօրինություններին:
Մենք կանգնած ենք իրենց արդարացի պահանջը հայտնող երիտասարդների կողքին և միահամուռ ուժերով հասնելու ենք նրան, որ ժողովրդին ազատենք բոլոր այն ժամկետնանց քաղաքական գործիչներից, որոնք շարունակում են պղտորել մեր իրականությունը:
