Ուզում եմ Տիգրան Սարգսյանին «պաշտպանեմ»: Այ, որ կռիվ ենք տալիս կենսաթոշակայինի դեմ, գազային պայմանագրի, արտագաղթի, գնում կառավարության շենքի մոտ ու կռվում այն բոլոր արհավիրքների դեմ, որոնք թափվել են մեր գլխին, ինձ ասեք, ով է այս ամենում Տիգրան Սարգսյանը: Ինքը կարող է ինչ-որ բան փոխել այս երկրում կամ ինչ որ բան չփոխել: Ինք կարող է, ասենք` ինքնուրույն նախարար հանել կամ նշանակել, էլ չեմ ասում Ռուսաստանի հետ մաքսային միության պայմանագիր կնքել կամ կենսաթոշակային ռեֆորմ անել ու Հայաստանի համար կարևոր որոշում կայացնել: Նա : Հարմար է իրական պատասխանատուին` Սերժ Սարգսյանին, որը միշտ կարող է նրա վրա բարդել ամեն ինչ ու ազատել գործից` իրեն տարանջատելով երկրում կատարվելիքից և հարմար է ոչ պակաս պատասխանատու «ընդդիմության» համար, որը տեսեք-տեսեք պայքարում է իշխանության դեմ, բայց մեծ մասամբ ի դեմս Տիգրան Սարգսյանի: Եվ համաձայնեք՝ կհայտարարի իր հաղթանակի մասին, եթե Տիգրան Սարգսյանին ազատեն աշխատանքից, որը ոչ իշխանություն է իրականում , ոչ էլ լծակ ունի: Նա հասարակ կատարող է: Նույն հաջողությամբ, հավատացեք, կարելի է պայքարել ձեր շենքի համատիրության ղեկավարի դեմ հայ-ռուսական գազի պայմանագիր կնքելու համար: 
Ինձ մեկ է կհանի Սերժ Սարգսյանը Տիգրան Սարգսյանին, թե ոչ ու ում կնշանակի նոր "Տիգրան Սարգսյան", քանզի այսօր տարբերություն չկա ով կլինի վարչապետ մեր երկրում, քանի դեռ որոշողը ու իրական պատասխանատուն ուրիշ և կոնկրետ մեկն է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել