Դպրոցը, ուր անաստվածություն է տիրում

Անաստվածությամբ շնչող Դպրոցում

Որբանում է միտքը,

Խամրում է գեղեցկությունը,

Արժեզրկվում է բարոյականությունը,

Նեղմիտ է դառնում գիտակցությունը,

Նյարդայնանում է սիրտը,

Գիտելիքը վերածվում է առևտրի,

Հիմարություն է թվում կարեկցանքը,

Աչքերը կուրանում են վիրավորանքից,

Տիրապետում է սեփականության զգացումը,

Գերիշխում է խավարը:

Ձեզ զայրացնո՞ւմ է հասարակության անբարո վիճակը,

Անաստվածությունի՛ց է:

Ձեզ ջղայնացնո՞ւմ է հեռուստաեթերից թափվող աղբը,

Անաստվածությունի՛ց է:

Ձեզ հունից հանո՞ւմ են Համացանցի մթամած տարածքները, նույնը՝ ամսագրերում, նույնիսկ՝  գրքերո՞ւմ:

Անաստվածությունի՛ց է:

Իսկ անհարգալից վերաբերմո՞ւնքը: Իսկ տհաճ տեսարաննե՞րը: Իսկ հանցագործությո՞ւնը: Իսկ թմրամոլությո՞ւնը: Իսկ մարմնավաճառությո՞ւնը: Իսկ հարբեցողությո՞ւնը: Իսկ գողությո՞ւնը:

Այս ամենը անաստվածությունի՛ց են, խավարի՛ց են:

Աղանդները, կեղծ մարգարեները, մոգերը և նրանցից թունավորված միլիոնավոր հոգիները,

Սովը, չքավորությունը, զրկանքը, հուսահատությունը,

Նվաճողական պատերազմները, ագրեսիվությունը, ավերակ դարձած եկեղեցիներն ու սինագոգները, մզկիթներն ու թանգարանները, դպրոցը, մշակութային արժեքները,

Ամեն, ամենը անաստվածությունի՛ց են:

Աթեիզմի ցանցում հայտնված դպրոցում

Մարդն առանց Ճշմարտության կորած մարդ է:

Կեղծ Ճշմարտությամբ մարդը՝   կործանված մարդ: