ԱՄՆ-ի Պարենի եւ դեղորայքի վարչությունը (FDA), հաստատել է ստորին վերջավորությունների երակների վարիկոզ լայնացումը բուժելու նոր դեղամիջոցը: Դեղորայքը կարտադրվի «Վարիտենա» անվան տակ,-հայտնում է BTG PLC ընկերությունը: Հայտնի է, որ Վարիտենան արտադրվում է փրփուրային պոլիդեկանոլի ձեւով, հարմար ներարկելու:

Հիմնական օգտագործման դաշտը` երակների սկլերոթերապիա, որը երբեմն ամբողջությամբ վերացնում է վիրաբուժական միջամտության անհրաժեշտությունը, գրում է «Remedium»-ը` հղում անելով The Wall Street-ին: Համաձայն կլինիկական փորձարկումների երրորդ փուլի՝ միջոցը անեստեզիա չի պահանջում, եւ լավ տանելի է հիվանդների կողմից: Այն արդյունավետորեն վերացնում է մակերեսային երակների փականի ոչկոմպետենտության ախտանիշները շատ հիվանդների մոտ:



Առայժմ միջոցը դեռ լայն գործնական կիրառում չունի, հիվանդները ստիպված են լինում դիմել տերմոաբլացիայի եւ վարիկոզ երակների հեռացման վիրահատության: Ընդհանուր առմամբ, BTG plc ընկերությունը անհրաժեշտ եղավ ավելի քան 10 տարի՝ իր դեղամիջոցի գրանցման հասնելու համար: Հիմնական խնդիրն այն էր, որ մտավախություն կար, որ պոլիդիկանոլը կմտնի հիվանդի արյան մեջ: Ըստ կանխատեսումների՝ վարիտենան հասանելի կլինի  հաջորդ տարվա երկրորդ եռամսյակում: Այն մշակողներին կբերի տարեկան $ 500 մլն:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել