Պիլինգի պրոցեդուրան օգնում է մաքրել ու թարմացնել մաշկը: Հիմնականում պիլինգը կատարում են սկրաբերի օգնությամբ, որոնք կարելի է պատրաստել նաև տնային պայմաններում` օգտագործելով պարզ ու հասանելի մթերքներ:
Յուղոտ մաշկի համար
Խառնեք խիտ սերուցքն ու մանր աղը, մինչև ստացվի թթվասերի պես զանգված: Այս սկրաբը ոչ միայն հիանալի մաքրում է մաշկը, այլև սնուցում և փափկեցնում է այն:
Խառնեք 1 ճաշի գդալ մանրացրած կիտրոնի կեղևը և 1 թեյի գդալ մանրացրած նուշը: Ավելացրեք տաք ջուր, մինչև չստացվի շիլայանման զանգված:
Չոր մաշկի համար
Մանրացրեք վարսակի փաթիլները և խառնեք 5-6 խաղողի հատիկների միջուկների հետ, մինչև չստացվի շիլայանման զանգված:
Հակացելյուլիտային սկրաբ
Խառնեք ¼ բաժակ մանրացրած սրճային հատիկները, մեկ բաժակ շաքարավազն ու մի քիչ նշի յուղը:
Կիտրոնի սկրաբ
Խառնեք 1 կիտրոնի հյութը, 4 կաթիլ կիտրոնի յուղը, 2 ճաշի գդալ ձիթապտղի յուղը, 1 բաժակ շաքարավազը ¼ բաժակ սերուցքն ու մի պտղունց դարչինը: Սկրաբը կարելի է պահել սառնարանում մինչև 2 շաբաթ:
Բոլոր սկրաբները քսվում են 10 րոպեով մերսող շարժումներով, որից հետո լվացվում են տաք ջրով: Ավելի լավ է քսել դրանք ցնցուղ կամ լոգանք ընդունելուց առաջ և չքսել վնասված մաշկին:
