Civilnet.am-ը գրում է.
Դեմ եմ ՀՀ պարտադիր կուտակային կենսաթոշակային համակարգին» նախաձեռնությունը դեկտեմբերի 5-ին կազմակերպում է կենսաթոշակային պարտադիր վճարների դեմ բողոքի երթ-ակցիա մեքենաներով:
Երթը կմեկնարկի ժամը 12:30–ին Մարզահամերգային համալիրի ավտոկայանատեղիից և դրոշներով կշարունակվի դեպի Հանրապետության հրապարակ:
Ակցիայի նպատակն է իրազեկել և մոտիվացնել մարդկանց կենսաթոշակային պարտադիր վճարների դեմ պայքարին միանալու համար: Միջոցառման մանրամասներին կարող եք ծանոթանալ այստեղ:
Դեկտեմբերի 4-ին Ազգային ժողովը դեմ քվեարկեց կուտակային կենսաթոշակային համակարգի պարտադիր բաղադրիչի կիրառումը մեկ տարով հետաձգելու առաջարկությանը: Միաժամանակ` շուրջ 400-500 քաղաքացիներ բողոքի ակցիա էին կազմակերպել ԱԺ շենքի դիմաց: Նրանք երթով շարժվել էին դեպի Մարդու իրավունքների պաշտպանի գրասենյակ, այնուհետև կառավարության շենք: