Footsport.am-ը գրում է.
Այսօր Անթալիայում կկայանա շախմատի տղամարդկանց թիմայաին առաջնության 3-րդ մրցափուլը: Հայաստանի հավաքականի մրցակիցը ԱՄՆ-ի ընտրանին է, որը երեկ խոշոր անակնկալի հեղինակ դարձավ` պարտության մատնելով Ռուսաստանի ընտրանուն, որն այս մրցաշարում ունի ամենաբարձր վարկանիշը: Առաջին խաղատախտակի վրա առաջատարների Նակամուրայի և Կրամնիկի մրցավեճն ավարտվեց առաջինի վստահ հաղթանակով: Ամերիկացիներին 2-րդ միավորը պարգևեց Օնիշչուկը, ով 4-րդ խաղատախտակի վրա առավելության հասավ Վիտյուգովի նկատմամբ:
Մյուս երկու պարտիաներն ավարտվեցին խաղաղ արդյունքով, և ամերիկացիները 3-1 հաշվով առավելության հասան հաղթողի հիմնական հավակնորդներից մեկի նկատմամբ: Հայաստանի հավաքականի հետ այսօրվա մրցախաղում ԱՄՆ-ի հավաքականի կազմում կատարվել է մեկ փոփոխություն. 4-րդ խաղատախտակի վրա հանդես գալու իրավունքը վստահվել է Վարուժան Հակոբյանին, ում մրցակիցը կլինի Գաբրիել Սարգսյանը:
Բավականին հետաքրքիր մրցավեճ է սպասվում 1-ին խաղատախտակին, որտեղ Հիկարի Նակամուրան կխաղա Լևոն Արոնյանի հետ: Ինչպես հայտնի է, հայ գրոսմայստերը երեկ Եգիպտոսի ընտրանու հետ հանդիպմանը չմասնակցեց, սակայն առանց մեր առաջատարի էլ հայ շախմատիստները 3-1 հաշվով առավելության հասան մրցակցի նկատմամբ:
Ամբողջական հոդվածը կարող եք կարդալ այստեղ