Եվ այսպես, նա հրավիրել է քեզ առաջին ժամադրության: Նախապես հուզվում ես, պատրաստվում և երազում ձեր համատեղ երջանկության մասին: Բայց մի շտապիր և ուշադիր եղիր:
Ուշացում
Բոլորս էլ ուշանում ենք: Պատճառները կարող են լինել ինչպես օբյեկտիվ, այնպես էլ սուբյեկտիվ: Բայց եթե տղան իրեն թույլ է տալիս ուշանալ առաջին ժամադրությունից, իսկ գալուց էլ ներողություն չի խնդրում, ուրեմն միանգամից հեռացիր: Նա չի գնահատում քեզ և արժանի չէր քո սպասելուն:
Խմիչք
Առաջին ժամադրությանը տղան պատվիրում է մի շիշ գինի: Դրա հետ մեկտեղ ինքը քիչ է խմում, բայց անընդհատ լցնում է քո բաժակը: Դա վտանգավոր նշան է: Թույլ չտաս ինքդ քեզ հարբել և հեռացիր որքան հնարավոր է շուտ:
Տարօրինակ վարք
Տղայի տրամադրությունն անընդհատ փոխվու՞մ է: Նա հանգիստ է, հետո սկսում է անհանգստանա՞լ: Քո առջև անհավասարակշռված մարդ է:
Կանանց սիրահար
Եթե առաջին ժամադրության ժամանակ տղան շատ է խոսում այլ կանանց մասին, դա վատ նշան է: Քեզնով հիանալու փոխարեն՝ նա կրքոտ նկարագրում է իր նախկիններին: Նա դեռևս պատրաստ չէ լուրջ հարաբերությունների:
Ձեռքերին ազատություն է տալիս
Նա կարող է խոսել տարբեր թեմաներից, պատմել իր աշխատանքի մասին, բայց դրա հետ մեկտեղ անընդհատ դիպչել քեզ: Նրա մտքին միայն մի բան կա:
Ի՞նչն է վատ քո մեջ
«Չէր խանգարի մազերդ երկարացնեիր», «Ես սիրում եմ մեծ կրծքով աղջիկների», «Ինչո՞ւ չես ավելի վառ գույնի հագուստ կրում»: Ինչի՞դ է պետք մեկը, ով անընդատ նկատում է միայն թերություններդ:
Անփույթ
Առաջին ժամադրությանը նա անփույթ է հագնվել, մոռացել է լվացվել, սափրվել և սանրվել, իսկ ուտելիս իրեն փնթիի պես է պահում:
Չափից դուրս աշխատասեր
Առաջին ժամադրությանը նա խոսում է միայն իր աշխատանքի մասին: Մի ժամվա ընթացքում հասցնում է քեզ ծանոթացնել իր աշխատանքի բնույթին, մրցակիցներին և ֆինանսական դժվարություններին: Բացի այդ` նա անընդհատ զանգեր է ստանում: Հիշիր` նա արդեն ունի սիրած կին, և դա իր աշխատանքն է:
Ո՞վ է վճարում
Նա տանում է քեզ թանկարժեք սրճարան, իսկ հետո պարզվում է, որ բավականաչափ գումար չունի և խնդրում է քեզ ավելացնել: Կամ պարզվում է, որ դրամապանակը տանն է թողել: Հիշիր, որ նման իրավիճակները կարող են կրկնվել:
Ժամանակ չկա
«Ես ընդամենը կես ժամ ունեմ», «Ներիր, պետք է վազեմ», նման արտահայտությունները չպետք է հնչեն առաջին ժամադրությանը: Եթե նա չի կարողանում ժամանակ հատկացնել հանդիպման համար, ապա ի՞նչ ապագայի մասին է խոսքը:
