Պատրաստում ենք շաուրմա տնային պայմաններում

Անհրաժեշտ է`

հայկական լավաշ

միս (ըստ ցանկության)

երիտասարդ կաղամբ

կարմիր սոխ

վարունգ

լոլիկ

պղպեղ

մաղադանոս

թթվասեր

սխտոր

գինու քացախ

աղ, շաքարավազ, պղպեղ

բուսական յուղ

Պատրաստման եղանակը`

Սկզբից պատրաստում ենք սոուսը: Դրա համար թթվասերին ավելացնում ենք կտրատած մաղադանոսը, մանրացրած սխտորը, աղը և լավ խառնում:

Այնուհետև գինու քացախին, աղին և շաքարավազին ավելացնում ենք մանր կտրատած սոխը:

Կտրատում ենք բանջարեղենը:

Անհրաժեշտ չափսով կտրատում ենք լավաշն ու քսում սոուսը, ապա դնում բանջարեղենը:

Միսը մանր կտրատում ենք և արագ-արագ տապակում բուսական յուղի մեջ այնպես, որ միսը չկորցնի իր հյութեղությունը:

Միսն ավելացնում ենք լավաշին և լավ փաթաթելով երկու կողմից մի-փոքր տապակում:

Բարի ախորժակ: