Ցանկացած շենքի օդափոխանակման համակարգը հիանալի թաքստոց է: Ոչ մեկի մտքով չի անցնի ձեզ այնտեղ փնտրել, և դուք դրանով հեշտորեն կհասնեք շենքի ցանկացած հատված:
Եթե ինչ-որ մեկը հրազենային վնասվածք է ստանում, նրան անպայման պետք է հարցնել. «Ո՞նց ես»:
Երբ անջատում եք լույսը, որ քնեք, սենյակում ամեն ինչ լավ կերևա, միայն թե երկնագույն երանգի մեջ:
Հեռուստատեսային նորությունները, որպես կանոն, հաղորդում են հենց ձեզ վերաբերող լուրն այն պահին, երբ միացնում եք հեռուստացույցը:
Բոլոր պայթուցիկների մեջ կարմիր էլեկտրոնային հաշվիչներ են տեղադրված, այնպես որ դուք միշտ գիտեք, թե դրանք երբ են պայթելու:
Բոլոր անկողինները L-աձև վերմակներ ունեն, որոնք ծածկում են կնոջը մինչև ուսերը, իսկ տղամարդուն` մինչև գոտկատեղը:
Ֆիլմերի հերոսները չափազանց արագ են հավաքում տեքստեր, ընդ որում` երբեք չեն օգտագործում բացատի ստեղնը (пробел):
Հազը սովորաբար անբուժելի հիվանդության նախանշան է:
Երբ վճարում եք տաքսիստին, չեք նայում դրամապանակի մեջ, պարզապես հանում եք թղթադրամն ու մեկնում վարորդին:
Ցանկացած կողպեք հաշված վայրկյանների ընթացքում կարելի է բացել կրեդիտ քարտի կամ գրասենյակային ամրակի (скрепка) միջոցով:
Մղձավանջից արթնացած ցանկացած մարդ կտրուկ նստում է անկողնում և սկսում խորը շնչել:
Կարևոր չէ, թե քանի հակառակորդ ունեք կռվի ժամանակ. ձեր թշնամիները համբերատար կսպասեն, մինչև դուք հերթով կտապալեք իրենց:
Մեկ հատիկ լուցկու միջոցով կարելի է լուսավորել ֆուտբոլի դաշտի չափ սենյակը:
Երբ համացանցում որևէ բան եք փնտրում, հենց առաջին իսկ փորձից գտնում եք այն, ինչ ձեզ պետք է:
Շները միշտ գիտեն, թե ով է վատ հերոս և հաչում են նրա վրա:
Փարիզի բոլոր պատուհաններից երևում է Էյֆելյան աշտարակը:
Ցանկացած սպորտային մրցույթ ավարտվում է կատարյալ անհաջողակի հաղթանակով, այն էլ վերջին վայրկյանին:
Բոլոր պայթուցիկներն ունեն բազմագույն լարեր, որպեսզի հերոսը հեշտությամբ կարողանա պարզել, թե որ մեկը կտրի:
Սուպերմարկետում ցանկացած առևտուր իրենից ներկայացնում է երկու մեծ թղթե փաթեթի մեջ դրված ֆրանսիական բատոն և մրգեր:
Եթե որոշեք փողոցի մեջտեղում պար բռնել, ապա կպարզեք, որ բոլոր անցորդները գիտեն ձեր պարերը և սպասում էին, որ ձեզ միանան:
Ոստիկանական բաժնի պետը միշտ աշխատանքից ազատում է իր լավագույն հետախույզին:
