Պատմում է մի հնդիկ գործարար:
80-ականներին մեկնում էի Մումբայից Շանհայ և որոշեցի օգտվել Singapore Airlines-ից: Ես բուսակեր էի, չէի ուտում ո՛չ միս, ո՛չ ձու, ո՛չ յուղոտ որևէ ուտելիք: Այդ մասին հայտնեցի ավիաընկերության Մումբայի ներկայացուցչությանը և ստացա համապատասխան նամակ, որ ինձ համար կլինի հատուկ մենյու: Սակայն պատկերացնում եք, որ ամեն մի նման ուղևոր հայտարարություն ներկայացնի այդպիսի մեծ ավիաընկերությանը, ի՞նչ կկատարվի: Բնական է, որ մոռացել էին իմ մենյուի մասին և երբ արդեն օդում էինք, պարզվեց, որ իմ մենյուն չկա: Ես մտածեցի, որ արդեն ամբողջ թռիչքի ընթացքում քաղցած եմ լինելու:
Սակայն ինձ մոտեցան և՛ ինքնաթիռի ուղեկցորդուհին, և՛ կապիտանը: Նրանք երկուսն էլ ներողություն խնդրեցին անհարմարության համար և խնդրեցին մի քիչ համբերել: Մյուս ուղեկցորդուհին, ով նույնպես բուսակեր էր, իր սնվելու համար վերցրել էր բրինձ և մրգեր: Այս մասին իհարկե ինձ հետո են ներկայացրել, իսկ այդ ընթացքում նա միանգամից պատրաստում է բրինձն ու կտրտում մրգերը: Մոտ քսան րոպեից ինձ հյուրասիրեցին և՛ բրինձ, և՛ համեղ մրգեր: Ես զարմացած էի նման արագությունից, պատկերացում էլ անգամ չունեի, որ ուտելու եմ ուղեկցորդուհու սեփական ուտելիքը, այն պարագայում, որ նա քաղցած էր մնացել:
Երբ մենք վայրէջք կատարեցինք, ավիաընկերության Շանհայի ներկայացուցիչը մոտեցավ, ներողություն խնդրեց անհարմարության համար և առաջարկեց լիմուզին, որպեսզի ես ուղևորվեմ դեպի հյուրանոց: Ետ վերադառնալու համար ինձ առաջարկեցին բիզնես դասի տոմս և յուրահատուկ մոտեցում ցուցաբերեցին ամբողջ թռիչքի ընթացքում:
Շանհայից վերադառնալուց հետո, երբ արդեն հասա իմ Բոմբեյի գրասենյակ, նկատեցի, որ սեղանիս մեծ արկղ է դրված, որի մեջ ամբողջությամբ շոկոլադ էր: Այս արկղն էլ ստացել էի ավիաընկերության Բոմբեյի ներկայացուցչից, ով նախ ներողություն էր խնդրել անուշադիր լինելու համար և ուղարկել էր այս տուփով կոնֆետները, ի դեպ այն տեսակը, որը ես շատ էի սիրում:
Ես ցնցված էի, միշտ կընտրեմ այս ավիաընկերությունը, քանի որ նրանք ուղղակի գնահատել գիտեն յուրաքանչյուրին:
Հ.Գ. Գնահատեք ու հոգ տարեք Ձեր հաճախորդների մասին, նրանք այդ ամենը կհիշեն կպատմեն բոլորին և միշտ կօգտվեն Ձեր ծառայություններից: Հիշեք ոսկե կանոնը, լավ սպասարկումը բիզնեսի զարգացման գրավականն է:
