Մի անգամ չէ, որ լսել ես, որ քնելուց առաջ ուտել չի կարելի: Բայց ի՞նչ անել, երբ ախորժակը հենց գիշերն է սրվում, և հնարավոր չէ չուտել: Ահա մի քանի բան, որ կարող ես առանց խղճի խայթի ուտել գիշերը:
Սովի զգացումը բթացնելու հարցում կօգնի շատ սպիտակուց պարունակող ուտելիքը: Անգամ սննդի չնչին քանակը կօգնի հագենալ` առանց ստամոքսը ծանրաբեռնելու: Այնպես որ միշտ սառնարանում պահիր անյուղ յոգուրտ, կեֆիր, կաթնաշոռ կամ քիչ յուղայնությամբ պանիր:
Ուշ ընթրիքի համար հիանալի են խաշած թռչնամիսն ու ձուկը:
Կազմվածքի համար անվնաս են հատապտուղները, ինչպես նաև չրերը (խնձոր, ծիրան, սալոր): Բայց պետք չէ դրանք չարաշահել, քանի որ դրանք պարունակում են մեծ քանակությամբ շաքար:
Գունավոր կաղամբը, գազարը, բրոկոլին նույնպես հիանալի են գիշերային ախորժակի դեմ պայքարում: Դրանցից կարելի է աղցան պատրաստել, միայն թե չչարաշահեք ձեթն ու աղը: Կարող եք պարզապես առանց աղցան պատրաստելու ուտել դրանք, և սարսափելի սովի զգացումը տեղի կտա: