բացել լրահոսը
  • Եվս 13998 դիտում և հեղինակը կստանա ԱՐԾԱԹԵ մեդալ։
  • Եվս 2 նյութ, որը գերազանցում է 10.000 դիտումի շեմը, և հեղինակը կստանա ԲՐՈՆԶԵ մեդալ։
  • Եվս 32 նյութ և հեղինակը կստանա 2 միջին չափի դափնեպսակ:


 14 օգոստոսի 2015 -16:00

Համալիրի խաթարված ճակատագիրը

Կառավարությունը որոշել է պաշտպանության նախարարության «Կարեն Դեմիրճյանի անվան մարզահամերգային համալիր» ՊՈԱԿ-ին ամրացված և ՀՀ սեփականությունը հանդիսացող գույքը հետ վերցնել և օտարել: Սահմանվել է, որ ուղղակի վաճառքի ձևով օտարման ենթակա անշարժ գույքի վաճառքի գինը 30 մլն ԱՄՆ դոլարին համարժեք դրամ է: Գնորդը պարտավորվում է առնվազն վեց ամիս ժամկետով և առնվազն 55 հազար ՀՀ դրամ նվազագույն աշխատավարձով աշխատանքային պայմանագիր կնքել մարզահամերգային համալիրում փաստացի աշխատող 99 աշխատողի հետ, պահպանել «Կարեն Դեմիրճյանի անվան մարզահամերգային համալիր» անվանումը, մարզամշակութային համալիրի օգտագործման ուղղվածությունը: Այս ընկերությունը նպատակ ունի մարզահամերգային համալիրի ձեռքբերման և հարակից տարածքի կառուցապատման միջոցով իրականացնել խոշոր ներդրումային ծրագիր: Ծրագիրը նախատեսվում է իրականացնել առավելագույնը չորս տարվա ընթացքում, ընդհանուր ծախսը՝ ներդրումների չափը, գերազանցելու է 100 մլն ԱՄՆ դոլարը: Կստեղծվի առնվազն 250 աշխատատեղ: Վաճառքի մասին լուրերի ի հայտ գալուց հետո հասարակական լայն շերտեր համախմբված կրկնում են, թե «համալիրը մեր խորհրդանիշն է, պետք չի ձեռք տալ, կամ՝ ինչպե՞ս կարելի է այն վաճառել»: Հարկ է հիշել, որ ընդամենը մեկ տարի առաջ Մարզահամերգային հմալիրը պատկանում էր մասնավոր ընկերության, մի տեսակ արհեստական բնույթի դժգոհության ալիքը այդքան էլ տեղին չէ, քանի որ Մարզահամերգայինը վաղուց այլևս պետական չէր: Մարզահամերգային համալիրը 5 միլիոն 700 հազար դոլարով ԲԱՄՕ ընկերությունը մասնավորեցվել է 2005 թվականի օգոստոսին: ՀՀ կառավարության 2009-ի հոկտեմբերի 26-ի որոշման համաձայն` 2005թ. սեպտեմբերից մինչև 2008թ. սեպտեմբերը ԲԱՄՕ-ն Համալիրում ներդրել է 4 միլիարդ 275 միլիոն դրամ, որն այն ժամանակվա փոխարժեքով կազմել է մոտ 14 միլիոն դոլար: 1983 թվականին կառուցված համալիրում բացումից կարճ ժամանակ անց հրդեհ է բռնկվել, որի պատճառները բավականին խորհրդավոր են: ԽՍՀՄ փլուզումից հետո համալիրը երկար ժամանակ գտնվում էր անմխիթար վիճակում, մինչեւ որ 2005 թվականին վաճառվեց ԲԱՄՕ-ին ու նորոգվեց: ԲԱՄՕ ընկերության սեփականատերերը` եղբայրներ Հովհաննես, Հակոբ և Մուրադ Մուրադյանները, ՀՀ կառավարությունից իրենց մեկ այլ ընկերության անունով 20 միլիոն դոլարի վարկ էին վերցրել, որի դիմաց գրավադրել էին Մարզահամերգային համալիրի բաժնետոմսերի 75 տոկոսը: Լուրեր էին շրջանառվում նաև, որ կառավարությունը գումարը հատկացրել է Սոչի քաղաքում հյուրանոցային համալիր կառուցելու նպատակով: Ժամանակին Բորիս Մուրադյանը հաստատել էր նման գործարքի գոյության փաստը: Այդ ժամանակահատվածում ԲԱՄՕ-ն մի քանիանգամ փորձել է վաճառել համալիրը: Սերժ Սարգսյանն անձամբ է հրահանգել մարզահամերգային համալիրը «վերցնել» ԲԱՄՕ-ի ձեռքից՝ պարտքի դիմաց: Դրա համար էլ ԴԱՀԿ ծառայությունը 2014 թվականին հետեւողականորեն աճուրդի է դրել համալիրի շենքը եւ գնորդ չլինելու պատճառով Կառավարության որոշմամբ շինությունն անցել է ՊՆ-ի տիրապետության տակ: «Կարեն Դեմիրճյանի անվան մարզահամերգային համալիր» ՓԲԸ-ն չի շեղվել իր առջև դրված խնդիրներից, տարիներ շարունակ կառույցը ծառայել է որպես զուտ մարզահամերգային համալիր: Այն երբևէ չի դիտարկվել որպես բիզնես պրոյեկտ:
x

Արխիվ


Ամենաընթերցվածը

ամիս

շաբաթ

օր

Яндекс.Метрика
  Կայքը՝